အာဂျင်တီးနားနှင့် အီရန်တို့ပွဲစဉ်တွင် မိနစ်၉၀အပြီး နာကျင်အချိန်ပို၌ တိုက်စစ်မှူးမက်ဆီ၏
တစ်လုံးတည်းသောသွင်းဂိုးဖြင့် အာဂျင်တီးနားက ရှုံးထွက်အဆင့်သို့ တက်ရောက်သွားပြီဖြစ်သည်။
အုပ်စု(F)၏ ဒုတိယပွဲစဉ်အဖြစ် စနေညက အာဂျင်တီးနားနှင့် အီရန်အသင်းတို့ ယှဉ်ပြိုင်ခဲ့ရာ အီရန်က
ပွဲချိန်တစ်လျှောက်လုံး ခံစစ် တွင် စုပြုံပိတ်ဆို့ကာ ကစားခဲ့ပြီး ကမ္ဘာကျော်တိုက်စစ်မှူးများစွာပါဝင် သော
အာဂျင်တီးနားအခက်တွေ့ခဲ့သည်။ ဘောလုံးပိုင်ဆိုင်မှုတွင် အာ ဂျင်တီးနားက ၇၁ ရာခိုင်နှုန်းအထိ ပိုင်
ဆိုင်ခဲ့သော်လည်း အပိုင်ဂိုးကန် သွင်းခွင့်အနည်းငယ်သာရခဲ့သည်။ ဂိုးပေါက်သို့ ကန်သွင်းမှုတွင်
အာဂျင်တီးနားက ၁၉ ကြိမ်၊ အီရန်အသင်းက ၈ ကြိမ်ရခဲ့သော်လည်း အီရန် ရရှိသည့် အခွင့်အရေးများကို
အာဂျင်တီးနားဂိုးသမားအကောင်းဆုံး ကာကွယ်နိုင်ခဲ့၍ ဦးဆောင်ဂိုးမပေးခဲ့ရခြင်းဖြစ်သည်။ ဂိုးမရှိသရေဖြင့်
ပွဲပြီးတော့မည့်အချိန်တွင် မက်ဆီက အဝေးမှဂိုးသမား၏အဝေးထောင့် ကို အပြင်းကန်သွင်းယူကာ
အာဂျင်တီးနားအသင်းအတွက် နိုင်ပွဲဖန်တီး ပေးခဲ့သည်။ အာဂျင်တီးနားမှာ နှစ်ပွဲဆက်နိုင်သောကြောင့်
နောက်ဆုံး ပွဲအဖြေကိုစောင့်စရာမလိုဘဲ ၁၆ သင်းရှုံးထွက်အဆင့်သို့ တက်ရောက်နိုင်ပြီဖြစ်သည်။
ကျင်းပနေသောကမ္ဘာ့ဖလားတွင် ဟော်လန်၊ ချီလီ၊ ကိုလံဘီယာ၊ ကော်စတာရီကာ၊ အာဂျင်တီး နားတို့မှာ
၁၆ သင်းအဆင့်သို့တက်သွားပြီဖြစ်သည်။ ဘရာဇီး၊ ပြင်သစ် အသင်းတို့မှာလည်း နောက်တစ်ဆင့်တက်ရန်
အကောင်းဆုံးအခြေအ နေကို ရောက်ရှိနေသည်။
From / 7daydaily
0 ထင်မြင်ချက်ပေးရန်:
Post a Comment