Wednesday, July 23, 2014

MH-17 မပျက်ကျမီ အနီး၌ ယူကရိန်း တိုက်လေယာဉ် ရှိနေခဲ့ကြောင်း ရုရှားစွပ်စွဲမှုကို ယူကရိန်းသမ္မတ ငြင်းဆို


              MH-17 လေယာဉ် ပျက်မကျမီ ယူကရိန်းလေတပ်၏ SU-25 တိုက်လေယာဉ် တစ်စီးက ချဉ်းကပ်လိုက်
ပါနေခဲ့ကြောင်း ရုရှားစစ်ဘက်၏ စွပ်စွဲချက်ကို ယူကရိန်း သမ္မတ ပက်ထရို ပိုရိုရှန်ကိုက ငြင်းဆန်ခဲ့သည်။ရုရှားက 
လက်နက် ထောက်ပံ့ထားသည့် ယူကရိန်း ခွဲထွက်ရေး သူပုန်များက MH-17 ကို မှားယွင်းပစ်ချခဲ့ခြင်းဟု ယူကရိန်း 
အစိုးရဘက်က အခိုင်အမာ စွပ်စွဲနေဆဲတွင် ရုရှားဘက်က ယူကရိန်းလေတပ်၏ ပါဝင်ဆက်နွယ်မှုကို တန်ပြန် မေး
ခွန်းထုတ်လာခဲ့သည်။ အဆိုပါ အခြေအနေက ဒုံးကျည်ထိမှန်၍ ပျက်ကျခဲ့သည်ဟု ယူဆရသော MH-17 အမှန်တ
ကယ် ကြုံတွေ့ခဲ့သည့် ကြမ္မာဆိုးနှင့် ပတ်သက်၍ ပိုမိုရှုပ်ထွေးလာသည်။
                ရုရှား ဒုတိယ ဗိုလ်ချုပ်ကြီး အန်ဒရီ ကာတိုပိုလော့ဗ်က ဇူလိုင်(၁၇)ရက် လေယာဉ်ပျက်ကျမှုနှင့် သက်
ဆိုင်သော ပျံသန်းမှု မှတ်တမ်းများကို မိမိတို့ ပြန်လည် လေ့လာသည့်အခါ ယူကရိန်း လေတပ်၏ SU-25 တိုက်လေ
ယာဉ် တစ်စီးသည် MH-17 မပျက်ကျမီ အချိန်ပိုင်းလေးတွင် MH-17 နှင့် ကီလိုမီတာ အနည်းငယ်မျှ အကွာ၌ ပျံသန်း
ခဲ့သည်ကို တွေ့ရှိရကြောင်း ပြောကြားခဲ့သည်။ ယူကရိန်း အစိုးရသည် ထိုအချိန်တွင် မိမိတို့၏ လေတပ်က မည်သည့် 
စစ်ရေးလှုပ်ရှားမှုမျှ ပြုလုပ်နေခြင်း မရှိဟု ကြေညာထားသည်။
             “မလေးရှား လေကြောင်းလိုင်းပိုင် လေယာဉ်ဟာ မြောက်ဘက်ကို နည်းနည်း လမ်းလွဲပြီး ပျံသန်းခဲ့တယ်။ 
အလွန်ဆုံး (၁၄)ကီလိုမီတာလောက်ပါပဲ။ ယူကရိန်း လေတပ် တိုက်လေယာဉ် တစ်စီးဟာ အဲဒီလေယာဉ်နဲ့ အမြင့်ပေ
 တူတူလောက်မှာ ရှိနေခဲ့တယ်။ မလေးရှား လေကြောင်းရဲ့ Boeing လေယာဉ်ကနေ (၃)ကီလိုမီတာကနေ၊ (၅)ကီလို
မီတာလောက်ပဲ ဝေးတဲ့နေရာမှာပါ”ဟု ကာတိုပိုလော့ဗ်က သတင်းစာ ရှင်းလင်းပွဲ တစ်ခုတွင် ပြောကြားခဲ့သည်။ ၎င်း
က SU-25 တစ်စီးသည် အချိန်တို အတွင်းမှာပင် အမြင့်မီတာ (၁၀၀၀၀)မျှထိ ရောက်ရှိအောင် ပျံသန်းနိုင်စွမ်း ရှိကြောင်း
လည်း မှတ်ချက်ပြုခဲ့သည်။
           “စစ်ဘက်လေယာဉ် တစ်စီးက အရပ်ဘက်လေယာဉ် တစ်စီးရဲ့ ပျံသန်းမှု လမ်းကြောင်းမှာ ဘယ်လိုရည်ရွယ်ချက်နဲ့ 
တူညီတဲ့အချိန်၊ တူညီတဲ့ အမြင့်အတိုင်း ပျံသန်းနေရတာလဲ။ ဒီမေးခွန်းအတွက် ကျွန်တော်တို့ အဖြေတစ်ခုလောက်တော့
 လိုချင်ပါတယ်”ဟု ကာတိုပိုလော့ဗ်က ဆိုသည်။ ၎င်းက ရုရှား ကာကွယ်ရေး ဝန်ကြီးဌာန၏ ရေဒါများသည် အခင်းဖြစ်သည့်
နေ့က ဒုံးကျည်စနစ် တစ်ခု အသက်ဝင်လာသည့် အခြေအနေမျိုး ပုံမှန်မဟုတ်သည့် လှုပ်ရှားမှုများကို ဖမ်းယူရရှိခဲ့ကြောင်း
လည်း ပြောကြားခဲ့သည်။
              “ဇူလိုင်(၁၇)ရက်က ယူကရိန်း ရေဒါစခန်းတွေရဲ့ ထုတ်လွှင့်မှုတွေက ပြင်းအားအမြင့်ဆုံးထိ ဖြစ်သွားခဲ့တယ်”ဟု 
၎င်းက စွပ်စွဲခဲ့သည်။ ဒုတိယဗိုလ်ချုပ်ကြီး ကာတိုပိုလော့ဗ်က ရုရှားသည် ယူကရိန်း သူပုန်တပ်များကို BUK ဒုံးကျည်စနစ် 
ထောက်ပံ့ တပ်ဆင်ပေးခဲ့သည်ဆိုသည့် စွပ်စွဲချက်များကိုလည်း ငြင်းဆန်ခဲ့သည်။ “သူပုန်တပ်တွေကို ရုရှားက BUK ဒုံးကျည်
တွေ မပေးခဲ့ဘူးလို့ ကျွန်တော် ပြောချင်ပါတယ်။ BUK တွေတင် မကဘူး၊ တခြား လက်နက်တွေ၊ စစ်ရေးဆိုင်ရာ အသုံးအဆောင်
တွေ ဘာတစ်ခုမှ ပေးမထားခဲ့ပါဘူး”ဟု ကာတိုပိုလော့ဗ်က ဆိုသည်။
            ကာတိုပိုလော့ဗ်က Boeing 777 လေယာဉ်ကြီးကို သူပုန်တပ်များက ဒုံးကျည်ဖြင့် ပစ်ချခဲ့ကြောင်း စွပ်စွဲချက်အတွက် 
အမေရိကန် အစိုးရက ဂြိုဟ်တု ဓာတ်ပုံများ ထုတ်ပြရန်လည်း စိန်ခေါ်လိုက်သည်။ “အဲဒီပုံတွေကို မြင်ဖူးပါတယ် ဆိုတဲ့သူ တစ်
ယောက်မှ မရှိဘူး”ဟု ၎င်းက ဆိုသည်။ “တိုက်ဆိုင်မှုပဲ ပြောရမလား။ အဲဒီ အဖြစ်ဆိုးကြီး ပေါ်ပေါက်လာချိန်နဲ့ အမေရိကန် ဂြိုဟ်
တုတွေက စောင့်ကြည့်နေတယ်ဆိုတဲ့ အချိန်က အံကိုက်ကြီး ဖြစ်နေတယ်”ဟုလည်း ကာတိုပိုလော့ဗ်က ထောက်ပြခဲ့သည်။
ယူကရိန်း သမ္မတ ပိုရိုရှန်ကိုကမူ ရုရှားဘက်မှ စွပ်စွဲချက်များသည် မှန်ကန်မှု လုံးဝမရှိကြောင်း ငြင်းဆိုခဲ့သည်။ “အဲဒါ မမှန်ပါဘူး။ 
ကျွန်တော်တို့ဟာ စုံစမ်းစစ်ဆေးမှု အားလုံးအတွက် ပွင့်ပွင့်လင်းလင်း လမ်းဖွင့်ထားပါတယ်။ ရုရှား ကာကွယ်ရေး ဝန်ကြီးဌာနက 
အဲဒီလို ကြေညာချက်တစ်ခု ထုတ်ပြန်ခဲ့တယ်ဆိုရင် လိုအပ်တဲ့ သက်သေ အထောက်အထားတွေ ပြသရပါမယ်။ ယူကရိန်း နိုင်ငံရဲ့ 
ကောင်းကင်ယံကို ဂြိုဟ်တုတွေ၊ လေကြောင်းကာကွယ်ရေး စနစ်တွေ အများကြီးက စောင့်ကြည့်နေတာပါ။ ယူကရိန်း တိုက်လေ
ယာဉ်တွေဟာ အခင်းဖြစ်ချိန်မှာ လေယာဉ်ပျက်ကျတဲ့ နေရာနဲ့ ကီလိုမီတာပေါင်း အတော်ဝေးဝေး မြေပြင်ပေါ်မှာပဲ အခြေစိုက်ထား
တယ်ဆိုတာ အားလုံး သိပါတယ်”ဟု ပိုရိုရှန်ကိုက ဖြေရှင်း ပြောကြားသွားသည်။

_Ref: 7daydaily

0 ထင်မြင်ချက်ပေးရန်:

Twitter Delicious Facebook Digg Stumbleupon Favorites More