ဘူးသီးတောင်၊ ၁၆၊ အောက်တိုဘာလ၊ ၂၀၁၄။ Coral Arakan News
ယနေ့ညနေ(၅း၃၀)အချိန်ခန့်က ဘူးသီးတောင်မြို့၊ မြို့မဈေးအနီး မိတ္တူဆိုင်တစ်ဆိုင်တွင်
ဘင်္ဂလီတစ်ဦးသည် နိုင်ငံသားစီစစ်ရေးကတ်ပြားပုံစံကို အတုယူရေးသားထားသော ပုံစံများကိုမိတ္တူကူး
ယူနေကြောင်း တွေ့ရှိသဖြင့် ထိန်းသိမ်းစစ်ဆေးနေကြောင်း သိရှိရသည်။
ဖြစ်စဉ်မှာ ဘူးသီးတောင်မြို့နယ်၊ ရွာမကျေးရွာနေ၊ ဂျာကဲရ်အာမက် (ဘ) ဖွေယော့စ် ၊ အသက်
(၂၇)နှစ်သည် မြို့မဈေးအနီးရှိ စိုး ဓါတ်ပုံနှင့် ကွန်ပျူတာ၊ မိတ္တူဆိုင်တွင် နိုင်ငံသားစီစစ်ရေးကတ်ပြားပုံစံပါ
အချက်အလက်များကို အတုယူ၍ ဗလာစာရွက်ပေါ်တွင် လက်ရေးဖြင့် ရခိုင်ပြည်နယ်သက်သေခံလက်မှတ်
ဟု ခေါင်းစဉ်တပ်ကာ ရေးသားထားသော ပုံစံများလာရောက်ကူးယူနေကြောင်း အကြောင်းကြားချက်အရ
စည်းကမ်းထိန်းသိမ်းရေး သံဃာတော်များအဖွဲ့မှ မြို့မရဲစခန်းသို့ ထပ်ဆင့်အကြောင်းကြားခဲ့ကြောင်း၊ ထို
သူကို သက်သေခံစာရွက်များဖြင့် တွေ့ရှိသဖြင့် မြို့မရဲစခန်းတွင်ခေါ်ယူစစ်ဆေးနေကြောင်း ဘူးသီးတောင်မြို့
စည်း/ထိန်းအဖွဲ့မှ အတွင်းရေးမှူးဆရာတော် အရှင်နာယက, က ပြောပါသည်။
လက်ဝယ်တွေ့ရှိရသော စာရွက်ရှေ့ဘက်တွင် အမှတ် ဘသတ(နိုင်)၁၂၃၅၇၂၊ အမည် မောင်တင်ရွှေ
(ခေါ်) ဂျာကဲရ်အမောက်၊ လူမျိုး/ဘာသာ ရခိုင်နှင့်ဗုဒ္ဓဘာသာ စသည်ဖြင့်ရေးသားထားပြီး အချက်အလက်များမှာ
နိုင်ငံသားစီစစ်ရေးကတ်ပြားပုံစံအတိုင်းဖြစ်သည်။ ကျောဘက်တွင် အရပ် ၅’-၂”၊ သွေးအုပ်စု ရခိုင်သားကို အား
ပေးတဲ့အုပ်စု စသည်ဖြင့်ရေးသားဖေါ်ပြပြီး နိုင်ငံသားစီစစ်ရေးကတ်ပြားပုံစံ ရေးသားကာ လက်ဗွေနှိပ် ထားသည်
ကိုတွေ့ရှိရသည်။ (ပုံပါအတိုင်း) ထိုသို့ဖမ်းမိခြင်းနှင့်ပတ်သက်၍ အရှင်နာယက, က `ဦးဇင်းတို့က သက်ဆိုင်ရာ
ကို အရေးယူပေးဖို့ အပ်ခဲ့ပါပြီ။ နောက်ပြီးကူးတာက တစ်ခုထဲမဟုတ်ပဲ စောင်ရေ ၄၀လောက်တောင် ကူးတာပါ။
ဒါက ဖြန့်ဝေဖို့လုပ်နေတာ ဖြစ်ပါတယ်။ ဓါတ်ပုံလဲကပ်ထားတာ တွေ့ပါတယ်။ အလွတ်တွေလဲ ပါပါတယ်။ ရေးထား
တဲ့ အချက်အလက်တွေကို ကြည့်ပါဦး။ ရခိုင်လူမျိုး၊ ဗုဒ္ဓဘာသာတဲ့၊ ဒါကတော့ လူမျိုး၊ ဘာသာကို ထိခိုက်ညှိုးနွမ်း
စေတဲ့ အပြုအမူလို့ပဲ သတ်မှတ်ပါတယ်။ နိုင်ငံသားကတ်ကို ပုံစံတူ ဆင်တူယိုးမှား အချက်အလက်တွေနဲ့ဆိုတော့
ဘာကိုရည်ရွယ်ပြီးလုပ်သလဲ၊ ဘယ်လိုပယောဂတွေ ပါသလဲဆိုတာ သေချာအောင် စုံစမ်းဖို့တော့ လိုပါမယ်။ အခု
၈၂ဥပဒေအရ နိုင်ငံသားစီစစ်ရေးလုပ်မယ့် ကိစ္စတွေလဲရှိတယ်ဆိုတော့ သွေးထိုးလှုံ့ဆော်မှုလည်း ဖြစ်နိုင်ပါတယ်။
အခုတော့ သက်ဆိုင်ရာက စစ်ဆေးနေပါပြီ၊ ဦးဇင်းတို့ကတော့ ဥပဒေအတိုင်း ထိထိရောက်ရောက် အရေးယူ
ပေးဖို့ပဲ တိုက်တွန်းပါတယ်´ဟု ပြောပါသည်။
အချို့က အဆိုပါလုပ်ရပ်ကို ရူးကြောင်ကြောင်လုပ်ရပ်အဖြစ် ထင်မြင်သူများရှိသော်လည်း
အချို့က နောက်ကွယ်မှ သွေးထိုးလှုံ့ဆော်မှုများကြောင့် ဆောင်ရွက်ခြင်းဖြစ်နိုင်ကြောင်း၊ မိတ္တူဆိုင်တွင် တမင်လာ
ရောက် ကူးယူခြင်းဖြင့် ပဋိပက္ခဖြစ်လာအောင် တမင်ဆောင်ရွက်ခြင်းဖြစ်နိုင်ကြောင်း သုံးသပ်မှုများလည်းရှိသည်။
၁၉၈၂ ခုနှစ် မြန်မာနိုင်ငံသားဥပဒေအရ နိုင်ငံသားစီစစ်ရေးလုပ်ငန်းများ ဆောင်ရွက်တော့မည်ဟု သတင်းများဖြစ်
ပေါ်နေချိန်တွင် ယခုကဲ့သို့ နိုင်ငံသားကတ် ပုံစံတူနမူနာများကို ဖြန့်ဝေခြင်းဖြင့် ဘင်္ဂလီများအနေဖြင့် နိုင်ငံသား
အဖြစ်ရရှိရန် စည်းရုံးဆောင်ရွက်နေကြောင်း သက်သေခံ တစ်ခုဖြစ်သည်ဟုလည်း သုံးသပ်ကြသည်။
ဗေဒါပျံ
ပူးတွဲပါ - ထိန်းသိမ်းစစ်ဆေးခံနေရသူနှင့် မိတ္တူကူးယူထားသည့် ပုံစံ
(ဓာတ်ပုံ - စည်း/ထိန်း၊ ဘူးသီးတောင်)
0 ထင်မြင်ချက်ပေးရန်:
Post a Comment