ပျောက်ဆုံးနေသည့် MH370 လေယာဉ် ဦးတည်ပျံသန်း သွားနိုင်သည့် လမ်းကြောင်းပေါင်း (၁၀၀၀)မျှကို
ထည့်သွင်း စဉ်းစားရလိမ့်မည်ဟု ကျွမ်းကျင်သူများက မှတ်ချက်ပြု ပြောကြားခဲ့သည်။ မလေးရှား လေကြောင်းပိုင်
MH370 သည် မတ်လ(၈)ရက်က လူပေါင်း (၂၃၉)ဦးကို တင်ဆောင်၍ ကွာလာလမ်ပူမှ ဘေဂျင်းသို့ ဦးတည်ပျံသန်း
ရင်း ပျောက်ကွယ်သွားခဲ့သည်။ ဂြိုဟ်တု ဓာတ်ပုံများကို ကိုးကားပြီးနောက် လေယာဉ်သည် မူရင်းလမ်းကြောင်းမှ
သွေဖယ်ကာ အိန္ဒိယ သမုဒ္ဒရာဘက် ပျံသန်းရင်း ပျက်ကျသွားသည်ဟု ယုံကြည်ရသည့်အတွက် အိန္ဒိယ သမုဒ္ဒရာတွင်
လေယာဉ်ပျက်ကို ကာလရှည်ကြာ စုံစမ်း ရှာဖွေနေသည်။
ယခုအခါ လေယာဉ်ပျောက်ဆုံးမှု (၆)လ ပြည့်မြောက်ခဲ့ပြီဖြစ်ပြီး လေယာဉ်ရှာဖွေရေးတွင် ပါဝင်လုပ်ဆောင်
နေသည့် ဩစတြေးလျ ကူးသန်းသွားလာရေး လုံခြုံမှု ဗျူရိုမှ ပညာရှင် မာတင်ဒိုလန်က မိမိတို့ အနေဖြင့် မမျှော်လင့်
သော ရှုထောင့်မှ ကြုံလာသည့် အခက်အခဲ များစွာကို ကြိုတင် မျှော်လင့်ထားရကြောင်း ဝန်ခံခဲ့သည်။
“ပြောရမယ်ဆိုရင် တိတိကျကျ သတ်မှတ်လို့ မရတဲ့ ပျံသန်းမှု လမ်းကြောင်းတွေ အများကြီး ကွဲလွဲနိုင်တယ်။
လေယာဉ်က ဘယ်လောက်ထိ ဝေးအောင် ပျံသန်းသွားသလဲ၊ ဘယ်ကို ဦးတည်သလဲ ဆိုတာကို မသိနိုင်ဘူး။ စဉ်းစား
ကြည့်ရင် ဖြစ်နိုင်ခြေ လမ်းကြောင်း (၁၀၀၀)လောက် ရှိတယ်။ ဒါဟာ လေယာဉ် တောင်ဘက်ကို ပြန်လှည့်သွားတယ်
ဆိုတဲ့ အချက်ကိုပဲ အခြေခံပြီး စဉ်းစားထားရသေးတာနော်”ဟု ဒိုလန်က ဆိုသည်။ ၎င်းက “ဘယ်သူမှ လေယာဉ်တစ်စီး
တွေ့လိုက်ပါတယ်လို့ ထုတ်မပြောနိုင်တဲ့ ဧရိယာမျိုးမှာ ကျွန်တော်တို့ လိုက်ရှာနေရတာ။ ငရဲဘုံလို ကြမ်းတမ်းတဲ့ နေရာပဲ။
ရာသီဥတုက ဆိုးတယ်။ လုပ်ငန်းစဉ်တွေကလည်း ရှုပ်ထွေးလွန်းတယ်”ဟုလည်း ဖွင့်ဟခဲ့သည်။
လတ်တလောတွင် ဒိုလန်နှင့် အဖွဲ့သည် အိန္ဒိယ သမုဒ္ဒရာ တောင်ပိုင်းရှိ စတုရန်း ကီလိုမီတာ (၆၀၀၀၀)မျှ
ကျယ်ဝန်းသော ရေပြင်ဧရိယာကို ဇုန်နေရာ သတ်မှတ်ပြီး လေယာဉ်ကို ရှာဖွေနေကြောင်း သိရှိရသည်။
_Ref: 7daydaily
0 ထင်မြင်ချက်ပေးရန်:
Post a Comment