ရီးရဲလ်ဟာ ရော်နယ်ဒို၊ ဘေးလ်၊ ဘန်ဇီမာ၊ မိုဒရစ်စတဲ့ တိုက်စစ်ကစားသမားတွေနဲ့ ပွဲထွက်လာခဲ့ပြီး
ခံစစ်ပိုင်းမှာတော့ ဗရာနီ၊ ရာမို့စ်အတွဲကို အသုံးပြုခဲ့ပါတယ်။ အက်သလက်တီကိုဘက်မှာတော့ အာဒါတူရန်
ပါဝင်နိုင်ခြင်းမရှိခဲ့ဘဲ ဒီယေဂိုကော်စတာ၊ ဒေးဗစ်ဗီလာတို့ တိုက်စစ်အတွဲကို ကိုကီ၊ ဂါဘီ၊ ရာအူးလ်ဂါစီယာတို့
ပံ့ပိုးကစားစေတဲ့ ပုံစံခင်းကျင်းခဲ့ပါတယ်။
ပွဲချိန် (၉)မိနစ်မှာပဲ ဒီယေဂိုကော်စတာ ဒဏ်ရာရသွားလို့ အက်ဒရီယန်နဲ့ လူစားလဲခဲ့ရပါတယ်။ ဒါဟာ
ချန်ပီယံလိဂ် ဗိုလ်လုပွဲ သမိုင်းတစ်လျှောက် အမြန်ဆုံး လူစားလဲမှုပါပဲ။ ရီးရဲလ်ဟာ ပွဲချိန်အစပိုင်းမှာ အသာစီး
ရခဲ့သလို ရှိပေမယ့် ထိထိရောက်ရောက် မခြိမ်းခြောက်နိုင်ခဲ့ပါဘူး။ ဒါပေမဲ့ ပွဲချိန် ၃၁မိနစ်မှာ တီယာဂို လူပေးမှား
တာကို ဘေးလ်ရသွားပြီးနောက်ခံလူ နှစ်ယောက်ကြားက လိမ်ခေါက်ကန်သွင်းရာမှာ လွဲချော်ခဲ့လို့ ရီးရဲလ် နစ်နာ
ခဲ့ပါတယ်။
ဂိုးပေါက်ခြိမ်းခြောက်ခံလိုက်ရပေမယ့် အက်သလက်တီကိုကတော့ ခပ်ကြမ်းကြမ်း ကစားကွက်နဲ့ ရီးရဲလ်ဘက်
ကို ပြန်စိုးမိုးခဲ့ပြီး ပွဲချိန် ၃၆မိနစ်မှာ ဂိုးရသွားခဲ့ပါတယ်။ ထောင့်ကန်ဘောကတစ်ဆင့် ဂျူအန်ဖရန် ခေါင်းတိုက်ချ
ပေးတဲ့ ဘောလုံးကို ဂိုဒင် ထပ်ဆင့်ခေါင်းတိုက်ချက်နဲ့ သွင်းယူခဲ့တာပါ။ ဒီဂိုးပေးလိုက်ရတာဟာ ထွက်ပုတ်ဖို့ ဆုံး
ဖြတ်ခဲ့တဲ့ ဂိုးသမား ကာဆီးလက်စ်ရဲ့ အမှားအယွင်းပါပဲ။ဒုတိယပိုင်း (၅၄)မိနစ်မှာ ရော်နယ်ဒို ပြစ်ဒဏ်ဘောကန်ချက်
ကောင်းမွန်ခဲ့ပေမယ့် ဂိုးသမား ကော်တိုရစ် ပုတ်ထုတ်သွားနိုင်ခဲ့ပြီး နောက်(၄)မိနစ်အကြာမှာတော့ ရီးရဲလ်ဟာ
တိုက်စစ်မြှင့်ဖို့အတွက် တိုက်စစ်အားသန်တဲ့ နောက်ခံလူ မာဆယ်လို၊ ကွင်းလယ်ကစားသမား အစ္စကိုတို့ကို ထည့်
သွင်းကစားစေခဲ့ပါတယ်။ ဒါပေမဲ့ အက်သလက်တီကိုရဲ့ ဇုန်အလိုက် ကစားမှုကို မထိုးဖောက်နိုင်ခဲ့ဘဲ ဧရိယာအတွင်းလက်ထိခဲ့ပေမယ့် ကွင်းလယ်ဒိုင်က ပင်နယ်တီ သတ်
မှတ်ပေးခဲ့ခြင်းမရှိပါဘူး။အချိန်ပို ဒုတိယပိုင်းမှာတော့ ရီးရဲလ်တို့ အနိုင်ဂိုး ရရှိခဲ့ပြီး ဒီဂိုးကို ပွဲချိန်တစ်လျှောက်လုံး အခွင့်အရေးတွေ ဖြုန်းတီး
ခဲ့တဲ့ ဘေးလ်ကခေါင်းတိုက်သွင်းယူခဲ့တာဖြစ်ပါတယ်။ ဘယ်တောင်ပံကနေ ဒီမာရီယာ တစ်ကိုယ်တော် ထိုးဖောက် ကန်သွင်း
ရာမှာ ဂိုးသမား ကော်တိုရစ်နဲ့ ထိပြီး ပြန်ထွက်လာတဲ့ ဘောလုံးကို ဘေးလ်က ဂိုးသမားမရှိတော့တဲ့ ဂိုးပေါက်ထဲ ခေါင်းတိုက်
သွင်းခဲ့တာပါ။ ၁၁၄ မိနစ်မှာ တီယာဂို အခွင့်အရေး ရခဲ့ပေမယ့် လွဲချော်ခဲ့ပြီး ရီးရဲလ်အတွက် တတိယဂိုးကို အက်သလက်တီ
ကို ခံစစ်ကြောင်း ပေါ့လျှော့မှုကတစ်ဆင့် မာဆယ်လိုက ဧရိယာထိပ်က ကန်သွင်းခဲ့တာပါ။ ဒါ့အပြင် ရော်နယ်ဒိုကို ခြေချိတ်
တယ်ဆိုပြီး ပွဲချိန် ၁၁၉မိနစ်မှာ ကွင်းလယ်ဒိုင်က ပင်နယ်တီ ပေးခဲ့ပြီး ရော်နယ်ဒိုက ဒီရာသီ (၁၇)ဂိုးမြောက် ချန်ပီယံလိဂ်
သွင်းဂိုးအဖြစ် သွင်းယူခဲ့ပါတယ်။
မှတ်တမ်းမှတ်ရာများ
၁။ ။ ဂိုဒင်မှာ ချန်ပီယံလိဂ် ဗိုလ်လုပွဲတွင် ဂိုးသွင်းနိုင်ခဲ့သည့် ပထမဆုံး ဥရုဂွေး ကစားသမားဖြစ်လာခဲ့။
၂။ ။ အက်သလက်တီကိုမှာ ယခုရာသီ ချန်ပီယံလိဂ် ပြိုင်ပွဲတွင် ခေါင်းတိုက်ဂိုး ၆ဂိုး သွင်းယူနိုင်ခဲ့ပြီး ကျန်အသင်းများထက်
ခေါင်းတိုက်ဂိုး ပိုရခဲ့။
၃။ ။ နောက်ဆုံးယှဉ်ပြိုင်ခဲ့ကြသည့် ချန်ပီယံလိဂ် ဗိုလ်လုပွဲများတွင် အဖွင့်ဂိုးသွင်းယူနိုင်ခဲ့သော အသင်း(၈)သင်းအနက် (၆)သင်း
ချန်ပီယံဖြစ်ခဲ့သော်လည်း ဘိုင်ယန်နှင့် အက်သလက်တီကိုတို့ ချန်ပီယံဆုဖလားနှင့် လွဲချော်ခဲ့ကြ။
၎။ ။ ဘေးလ်မှာ ဘာစီလိုနာကို အနိုင်ရခဲ့သည့် စပိန်ဘုရင့်ဖလား ဗိုလ်လုပွဲနှင့် ချန်ပီယံလိဂ် ဗိုလ်လုပွဲ နှစ်ရပ်ဆက် ဂိုးသွင်းနိုင်ခဲ့။
၅။ ။ ရော်နယ်ဒိုမှာ ယခုရာသီ ချန်ပီယံလိဂ် သွင်းဂိုး(၁၇)ဂိုး သွင်းယူပြီး ချန်ပီယံလိဂ် သမိုင်းတစ်လျှောက် တစ်ရာသီ သွင်းဂိုးအများ
ဆုံး စံချိန်သစ်တင်ခဲ့။
၆။ ။ ရီးရဲလ်နည်းပြ အန်စလော့တီမှာ ချန်ပီယံလိဂ်ဖလား (၃)ကြိမ် ဗိုလ်စွဲခဲ့သည့် ပထမဆုံးနည်းပြ ဖြစ်လာခဲ့။
၇။ ။ ရီးရဲလ်သည် ယခုရာသီတွင် အက်သလက်တီကိုအား (၄)ဂိုး သွင်းယူနိုင်ခဲ့သည့် ပထမဆုံးအသင်းဖြစ်လာ။
၈။ ။ အက်သလက်တီကိုသည် ၁၉၇၄ခုနှစ် ဥရောပပြိုင်ပွဲ ဗိုလ်လုပွဲတွင် ဘိုင်ယန်မြူးနစ်ကို အချိန်ပိုတွင် ရှုံးနိမ့်ခဲ့ရ။
၉။ ။ ဘေးလ်မှာ ဥရောပပြိုင်ပွဲ (သို့) ချန်ပီယံလိဂ် ဗိုလ်လုပွဲတွင် ဂိုးသွင်းနိုင်ခဲ့သည့် ပထမဆုံး ဝေးလ် ကစားသမားဖြစ်လာ။
@z (ရိုးရာလေး)
ချန်ပီယံလိဂ် ဗိုလ်လုပွဲတွင်သွင်း ဂိုး များကိုအောက်မှာ စုစည်းပြသထားပါသည်
0 ထင်မြင်ချက်ပေးရန်:
Post a Comment