ရန်ကုန်မြို့ ကန်တော်ကြီးအတွင်းရှိ ရေများကို သောက်သုံးနိုင်သည်အထိ သန့်ရှင်းအောင် အမေရိကန်၏ အကူအညီဖြင့် ဆောင်ရွက်မည်

                      ရန်ကုန်မြို့ ကန်တော်ကြီးအတွင်းရှိရေများကို သောက်သုံးနိုင်သည်အထိ သန့်ရှင်းအောင် 

အမေရိကန်နိုင်ငံ၏ အကူအညီဖြင့် ဆောင်ရွက်သွားမည်ဖြစ်ကြောင်း ရန်ကုန်မြို့တော် စည်ပင်သာယာရေး

ကော်မတီမှ သတင်းရရှိသည်။ ကန်တော်ကြီးအတွင်းရှိ ရေများအား သန့်ရှင်းစေရန် အမေရိကန်နိုင်ငံမှ ဒေါ်

လာလေးသိန်းတန်ဖိုးရှိ အကူအညီဖြင့် ပြုလုပ်လျက်ရှိရာ ရေများကို သောက်သုံးနိုင်သည်အထိ သန့်ရှင်းအောင် 

ဆောင်ရွက်သွားမည်ဟု ဆိုသည်။

             ကန်တော်ကြီး ကန်ရေပြင်သန့်ရှင်းစေရန် ပြီးခဲ့သည့် ၂၀၁၃ ခုနှစ်က ဂျပန်နိုင်ငံအစိုးရက ODA ဖြင့် 

သန့်ရှင်းရေးပြုလုပ်သည့်စက်ကို ထောက်ပံ့ခဲ့ပြီး ကန်ရေပြင်တွင် အယ်လ်ဂျေးများ ပေါက်ပွားမှုကြောင့် ဖြစ်ပေါ်

လာသော အစိမ်းရောင်အဖတ်များကို စုပ်ယူကာ ဖယ်ရှားရှင်းလင်း သန့်စင်ခြင်းခဲ့ခြင်းဖြစ်ကြောင်းနှင့် ယခုအခါ 

အမေရိကန်၏ အကူအညီကိုပါရယူ၍ ရေသန့်ရှင်းရေး ပြုလုပ်နေခြင်းဖြစ်ကြောင်း သိရသည်။

          ရှေးယခင်က ကန်တော်ကြီးကို ရန်ကုန်မြို့တော်၏ ရေပေးဝေရေး လုပ်ငန်းများအတွက် အသုံးပြုခဲ့ကြောင်း၊

 နောက်ပိုင်းတွင် ရန်ကုန်မြို့၏ တိုးပွားလာသော လူဦးရေအရ မလုံလောက်တော့သဖြင့် ၁၉၀၄ ခုနှစ်တွင် ကန်တော်

ကြီးမှ ရေမပေးတော့ဘဲ လှော်ကားကန်မှရေကို စတင်ပေးဝေခဲ့ကြောင်း သိရသည်။

            နောက်ပိုင်းတွင် ကန်တော်ကြီးအနီးပတ်ဝန်းကျင်၌ လူနေအိမ်များရှိလာ၍ ၎င်းတို့ထံမှ စွန့်ထုတ်လိုက်သည့် 

ရေဆိုးများ၊ ကန်တော်ကြီးအတွင်းရှိ စားသောက်ဆိုင်များမှ စွန့်ထုတ်သည့် ရေဆိုးများကြောင့် ကန်ရေပြင် ညစ်ညမ်း

မှုများ ကြုံတွေ့လာခဲ့ရကြောင်း သိရသည်။ ထို့အတွက် ကန်တော်ကြီးကန်ရေပြင် သန့်ရှင်းရေးလုပ်ငန်းများကို ယခု

နောက်ပိုင်း ဆက်တိုက်ပြုလုပ်ခဲ့ခြင်းဖြစ်ပြီး ယခုကဲ့သို့ သောက်သုံး၍ရသည်အထိ သန့်ရှင်းအောင်ပြုလုပ်မည်ဆိုသော်

လည်း ရေများကို ရန်ကုန်မြို့အတွက် ပြန်လည်ပေးဝေရန် အစီအစဉ်မရှိသေးကြောင်း ရန်ကုန်မြို့တော် စည်ပင်သာ

ယာရေးကော်မတီမှ သိရသည်။ ကန်တော်ကြီး၏ ရေပြင်အကျယ်မှာ ၀ ဒသမ ၂၂၀ စတုရန်းမိုင်ရှိကြောင်းလည်း 

သိရသည်။

news-eleven

အပြည့်စုံဖတ်ရန်

IS ပါးကွက်သားများ လက်မှ သေကံမရောက် သက်မပျောက်ခဲ့သူ

             ဆွန်နီ အစွန်းရောက် စစ်သွေးကြွများ ဖြစ်သည့် IS (Islamic State) စစ်သွေးကြွများသည် တိုက်ပွဲများ 

အတွင်း ဖမ်းဆီး ရမိခဲ့သည့် သုံ့ပန်းများကို ရှင်းလင်း ပစ်ရာ၌ နာမည်ကြီးလှပြီး အားလုံးသော သုံ့ပန်းများမှာ IS တို့

၏ သုတ်သင်ခြင်းကို ခံခဲ့ရသည်။

             သုတ်သင် ခံရသူများ အနက်မှ လွတ်မြောက်လာသူ ဟူစိန် (ကွင်းအနီဖြင့် ၀ိုင်းထားသည်)။ သို့သော် အဆိုပါ 

သုတ်သင်မှုများ အတွင်းမှ အီရတ် ရှီအိုက် စစ်သား တစ်ဦးမှာ ကံကောင်းထောက်မ စွာဖြင့် လွတ်မြောက်လာ ခဲ့သည်။ 

အလီဟူစိန်ကာဒ်ဟင်မ် အမည်ရှိ ယင်းစစ်သားသည် IS တပ်ဖွဲ့များ တီကရစ်မြို့ကို သိမ်းပိုက်စဉ်က ဖမ်းဆီးခြင်း ခံခဲ့ရ

သူ ဖြစ်ပြီး ယခုတစ်ပတ် အတွင်း ပြုလုပ်ခဲ့သည့် IS တို့၏ သုတ်သင်မှု အတွင်းမှ လွတ်မြောက် လာခဲ့ခြင်း ဖြစ်သည်။

ယခု ကွက်မျက် မှုတွင် IS ပါးကွက်သားများသည် အလီဟူစိန် ကာဒ်ဟင်မ် အပါအ၀င် သုံ့ပန်း တစ်ရာခန့်ကို လက်နောက်

ပြန် ကြိုးတုပ်ကာ မြေပေါ်တွင် ဒူးထောက် ထိုင်စေပြီး ခေါင်းကို အနောက်မှ ပစ်ခတ်ကာ သုတ်သင်ခဲ့ခြင်း ဖြစ်သည်။ ပါး

ကွက်သားသည် ဟူစိန်၏ ဘေးမှ သုံးဦးကို ခေါင်းများသို့ ထိမှန်အောင် ပစ်နိုင်ခဲ့သော်လည်း ဟူစိန်ကို ပစ်ရာတွင် လွဲချော် 

သွားခဲ့သည်။ သို့သော် ဟူစိန်က သေဆုံးဟန် ဆောင်ကာ ရှေ့သို့ လှဲချခဲ့ပြီး သူ့ရဲဘော်များ၏ အလောင်းကောင်များ အကြား

တွင် ပါးကွက်သားများ ပြန်ထွက် သွားသည် အထိ မလှုပ်မယှက် လှဲနေခဲ့ရသည်။ ယင်းသုတ်သင်မှု တွင် ဟူစိန်တစ်ဦးတည်း

မှ လွဲ၍ မည်သူမျှ လွတ်မြောက်ခဲ့ခြင်း မရှိပေ။

              ယင်းနောက်တွင်မူ သူ၏ အိမ်အပြန် ခရီးကို စတင်ခဲ့ပြီး သုံးရက် အကြာတွင်မှ အီရတ်ပြည် တောင်ပိုင်းရှိ နေအိမ်

သို့ အရောက်ပြန်လာ နိုင်ခဲ့သည်။ လက်ရှိအချိန် တွင် သမီးဖြစ်သူနှင့် ပြန်လည် ဆုံတွေ့နေပြီ ဖြစ်သည့် ဟူစိန်က IS တို့ 

ထုတ်ပြန်ထားသည့် ဓာတ်ပုံများ အတွင်းမှ သူ၏ ပုံကို ပြန် လည် ရွေးချယ်ပေး ခဲ့သည်။ ဟူစိန်က "အသတ်ခံရဖို့ စောင့်နေ

ချိန်မှာ ကျွန်တော့် သမီးလေးရဲ့ 'ဖေဖေ' ဆိုတဲ့ ခေါ်သံလေးကိုပဲ ကြားနေမိတယ်။ ကျွန်တော့် ခေါင်းကို ကျည်ဆံ လွဲသွား

ချိန်မှာ ကျွန်တော် အမြန်ပဲ သေချင်ယောင် ဆောင်ခဲ့ရပါတယ်"ဟု ဆိုခဲ့သည်။

mizzimaburmese

အပြည့်စုံဖတ်ရန်

တွေ့ရှိပြီဟု ထုတ်ပြန်ထားသော ဓမ္မစေတီ ခေါင်းလောင်း ကြိုးချည်ရန် အခက်အခဲရှိနေဟုဆို

ရန်ကုန် စက်တင်ဘာ ၃

           တွေ့ရှိပြီဟု ထုတ်ပြန်ထားသော ဓမ္မစေတီ ခေါင်းလောင်းကြီးမှာ ကြိုးချည်ရန် အခက်အခဲ 

ရှိနေကြောင်း ခေါင်းလောင်း ဆယ်ယူရေးအဖွဲ့ ပြန်ကြားရေး တာဝန်ခံ ဦးကြည်ဝင်းက ပြည်ထောင်စုနေ့စဉ်သို့ 

ယနေ့ ပြောသည်။ ဦးကြည်ဝင်းက ''ခုလောလော ဆယ်တော့ ကြိုးချည်ဖို့ လုပ်နေ တယ်။ အခက်အခဲ လေးတွေ

ရှိတယ်။ သြဂုတ် ၂၈ရက်လောက်ကတည်း က ကြိုးစားနေတာပါ။ ထူးခြားရင် ထုတ်ပြန် ကြေညာသွားပါမယ်''

 ဟုပြောသည်။

         ခေါင်းလောင်း ဆယ်ယူရေး အဖွဲ့အနေဖြင့် ဓမ္မစေတီခေါင်းလောင်း တွေ့ရှိပြီဟု သြဂုတ် ၂၆ ရက်နေ့က 

တရားဝင်ထုတ်ပြန်ကြေညာခဲ့ သည်။ ခေါင်းလောင်းကို ကြိုးချည်ပြီးပါက ဆယ်ယူရန် သင်္ဘော အကြီးစားလိုအပ်ပြီး

 ယင်းအတွက် အစိုးရအဖွဲ့နှင့်ပူးပေါင်းဆောင်ရွက် မည်ဟုဆိုသည်။ ယင်းက ''အစိုးရအဖွဲ့ကို ကြိုးချည်ပြီးတာနဲ့ 

ထပ်တင်ပြပါမယ်။ သင်္ဘောက ပြည်တွင်းမှာရှိတဲ့ သင်္ဘောနဲ့ ဆယ်လို့ရမရက လက်ရှိ ပြောဖို့ ခက်ပါသေးတယ်''ဟု 

ဆက်လက်ပြောသည်။ ယင်းသို့ဆောင်ရွက်နေစဉ် သြဂုတ် ၂၈ရက်ကခေါင်းလောင်းဆယ်ယူ နေသည့်အနီး၌ နဂါး

ပေါ်သည်ဟု ဆိုကာ အနီးဝန်းကျင်မှ ဓာတ်ပုံလိမ်လည် ရောင်းချသူနှစ်ဦးကိုလည်း သက်ဆိုင်ရာက ထိန်းသိမ်းခဲ့သည်။

ဦးစံလင်း ဦးဆောင်သော အဖွဲ့အနေဖြင့် ခေါင်းလောင်း ဆယ်ယူရေး လုပ်ငန်းကို သြဂုတ် ၉ ရက်က စတင်ခဲ့သည်။

 ပြည်ထောင်စုနေ့စဉ်

အပြည့်စုံဖတ်ရန်

မေမြတ်နိုးထံမှ သရဖူပြန်သိမ်းရန် ကိုရီးယားအဖွဲ့အစည်းဥက္ကဋ္ဌ မြန်မာပြည်လိုက်လာပြီ

မေစနိုး၊ ရန်ကုန်၊ စက်တင်ဘာ-၃ စံတော်ချိန်

               Miss Asia Pacific World အလှမယ် မေမြတ်နိုးထံမှ သရဖူပြန်လည်သိမ်းယူရန် 

ကိုရီးယားအဖွဲ့အစည်း၏ဥက္ကဋ္ဌ မစ္စတာချွိုင်ဂျင်ကိုယ်တိုင် မြန်မာနိုင်ငံသို့ရောက်ရှိနေပြီဖြစ်ကြောင်း

Miss Asia Pacific Worldနေရှင်နယ်ဒါရိုက်တာ မလှနုထွန်းက စံတော်ချိန်သို့ စက်တင်ဘာ ၃ရက်၌ 

ပြောဆိုသည်။

            ကိုရီးယားအဖွဲ့အစည်းမှ ဥက္ကဋ္ဌဖြစ်သူနှင့် မြန်မာနိုင်ငံဆိုင်ရာ နေရှင်နယ်ဒါရိုက်တာမလှနုထွန်း

 တွေ့ဆုံဆွေးနွေးမှုများပြုလုပ်ခဲ့ပြီး နေရှင်နယ်ဒါရိုက်တာကို မပေးအပ်ပါကအဖွဲ့အစည်းသို့ တိုက်ရိုက်

ပေးအပ်နိုင်ရန် လာရောက်ခဲ့ခြင်းဖြစ်ကြောင်း ပြောဆိုသည်။ ဘာကြောင့်လာလဲဆိုတာကို အခြားကိစ္စတွေ

ကို အစ်မအတိအကျမသိပေမယ့် သရဖူပြန်လက်ခံမယ့်ကိစ္စတော့ ပါတယ်ဆိုတာသေချာတယ်။ သူနဲ့အစ်မ

 သြဂုတ် ၃၁ ရက်တွေ့ဆုံတုန်းက သူကပြောတယ်။မေမြတ်နိုး (ခေါ်) သက်ထက်အောင်ကို မီဒီယာရှေ့မှာ

သရဖူပြန်အပ်ပေးဖို့၊ နှစ်နိုင်ငံဂုဏ်သိက္ခာကျဆင်းအောင် လုပ်ခဲ့တဲ့အတွက်လည်း တောင်းပန်ပေး ဖို့နဲ့ဘာ

ကြောငြ့်ပန်လာရသလဲဆိုတာကိုလည်းရှင်းပြပြောဆိုပေးဖို့၊ အဲဒီလို ပြန်လုပ်ပေးမယ်ဆိုရင် ပြန်စဉ်းစားပေး

မယ်လို့ ဆိုပါတယ်'ဟု မလှနုထွန်းက ပြောဆိုသည်။

             အလှမယ်မေမြတ်နိုးက နေရှင်နယ်ဒါရိုက်တာမလှနုထွန်းသည် နေရှင်နယ်ဒါရိုက်တာ တစ်ယောက်

ကဲ့သို့ ပြုမူဆောင်ရွက်မှုမရှိဘဲ နေရှင်နယ်ဒါရိုက်တာမပီသမှုကြောင့် ၎င်းထံသို့ သရဖူပြန်မအပ်နိုင်ခြင်းဖြစ်

ကြောင်းစက်တင်ဘာ ၂ရက်တွင် ပြုလုပ်သည့်သတင်းစာရှင်းလင်းပွဲ၌ ပြောဆိုခဲ့သည်။

                'နေရှင်နယ်ဒါရိုက်တာမပီသဘူးလား။ တာဝန်မကျေဘူးလားဆိုတာကိုပြန်စဉ်းစားတတ်ရင်သိ

ပါတယ်။ ဖိလစ်ပိုင်နိုင်ငံမှာ ပထမဆုံးသင်တန်းတစ်လလောက်သွားခဲ့ရတဲ့အလှမယ်က ဘယ်သူများပါလဲရှင်။

 နောက်ပြီး ပြိုင်ပွဲတစ် လျှောက် အစ်မဘယ်လောက် ဖေ့စ်ဘုတ်ခ်စာမျက်နှာတွေက အားပေးခဲ့တယ် ဆိုတာ

လည်း မြန်မာနိုင်ငံက ပရိသတ်တွေသိပါတယ်။ အစ်မအနေနဲ့ သူ့ကိုပြောချင် တာကတော့ မြန်မာနိုင်ငံကိုတ

ကယ်ချစ်ရင် သရဖူကို ဘယ်လောက်ပဲတန်တန်ကိုရီးယားကို ပြန်အပ်ပေးပါလို့ ပြောချင်ပါတယ်။ အဲလိုမှမဟုတ်

ဘူးဆိုရင် မြန်မာဆိုတာနဲ့ ရင်ဘတ်နဲ့ ၁၈ ဒေါ်လာပဲပြေးမြင်ကြတော့မှာပါလို့ ပြောချင်ပါတယ်'ဟုမလှနုထွန်းက

ပြောဆိုသည်။ အလှမယ်မေမြတ်နိုးက ၎င်း၏အသက်သည် ၁၆ နှစ်မပြည့်သေးသော်လည်း နေရှင်နယ်ဒါရိုက်တာ

၏ဆောင်ရွက်ပေးမှုကြောင့် အသက်မပြည့်ဘဲဝင်ပြိုင်ဖြစ်ခဲ့ရကြောင်း၊ ယင်းကြောင့်ယခုဖြစ်လာခဲ့သည့် ပြဿနာ

များတွင် လူကုန်ကူးခံရသည့် သဘောမျိုးသက်ရောက်နေပြီး ၎င်းအားကူညီပေးပါက ယင်းကိစ္စကို ဥပဒေအရ 

ဖြေရှင်းသွားရန်ရှိကြောင်း မေမြတ်နိုးက သတင်းစာရှင်းပွဲ၌ ပြောကြားခဲ့သည်။

               'ဇွန် ၅ ရက်မှာ သူမှဲ့တစ်ပေါက်မစွန်းဘဲပြန်လာလို့ သရဖူတောင်ပါလာသေးတာ လူကုန်ကူးမှုလား။ 

သူ့အမေနဲ့သူကိုယ်တိုင် လှနုကို ဘာမှအကြောင်းမကြားမပြောဘဲသွားကြပြီးမှ အဆင်မပြေတဲ့အခါမှ လှနုကြောင့်

ဆိုရင်ကော တရားပါသလားရှင်။ ကြိုက်တာပြောပါတော့။သူ့ကို ဒုက္ခပေးဖို့အချိန်ကုန် ၊ငွေကုန်ခံပြီး ကိုရီးယားကို

 အမေရော သမီးလေးပါ လာလည်ဖို့ခေါ်ခဲ့ကြတယ်ဆိုရင်တော့လည်း အစ်မမှာ ပြောစရာမရှိတော့ပါဘူး'ဟုမလှနုထွန်း

က ပြောသည်။ လက်ရှိဖေ့စ်ဘုတ်ခ်တွင် Missosologyinfo ၀က်ဘ်ဆိုဒ် တွင်တင် ထားသည့် မေမြတ်နိုးဆာဂျရီလုပ်နေ

သည့်ဓာတ်ပုံဟုဖော်ပြထားပြီး ယခုကဲ့သို့ အလှမယ်မေမြတ်နိုးအနေဖြင့်ဆက်လက်လိမ်လည်နေပါက ဗီဒီယိုဖိုင်

ကိုပါတင်ပေးသွားမည်ဖြစ်ကြောင်း Asia Pacific World ကိုရီးယားအဖွဲ့ အစည်းကြီးက ဖော်ပြထားသည်ဟု တွေ့ရှိရ

သည့်အပေါ်အတုအယောင်ဟုတ်၊မဟုတ်နှင့် မေမြတ်နိုးက ရင်သားဆာဂျရီမပြုလုပ်ခဲ့ဟုဆိုသော်လည်း အခြေအနေ

မှန်ကိုမလှနုထွန်းထံသို့ မေးမြန်းခဲ့သော်လည်း ၎င်းနှင့်ပတ်သက်၍ မှတ်ချက်တစ်စုံတစ်ရာမပေးလိုကြောင်း ဖြေကြား

ခဲ့သည်။

အပြည့်စုံဖတ်ရန်

အီရတ်တွင် တရုတ်နိုင်ငံသား ISအဖွဲ့ဝင်တစ်ဦး ဖမ်းမိဟု ကောလာဟလများ ထွက်ပေါ်

           အီရတ်တွင် ဖမ်းဆီးရမိသည့် အစ္စလာမ်မစ် နိုင်ငံတော် (IS) စစ်သွေးကြွ အဖွဲ့ဝင် တစ်ဦးသည် 

တရုတ်နိုင်ငံသားဖြစ်ကြောင်း ကောလာဟလ သတင်းများ ထွက်ပေါ်လာသည်။ အကယ်၍ အင်တာနက်

တွင် ပျံ့နှံ့နေသည့် ဓာတ်ပုံများနှင့်အတူ စွပ်စွဲထားသည့် အချက်အလက် မှန်ကန်ပါက အဆိုပါ စစ်သွေး

ကြွသည် ဆွန်နီအစ္စလာမ်မစ် အစွန်းရောက် စစ်သွေးကြွ အဖွဲ့အတွက် ပါဝင်တိုက်ခိုက်သည့် ပထမဆုံး 

တရုတ်နိုင်ငံသား ဖြစ်လာဖွယ် ရှိသည်။

             စက်တင်ဘာ (၂)ရက်က အီရတ် ကာကွယ်ရေးဝန်ကြီးဌာန၏ အမှတ်တံဆိပ်နှင့် Facebook စာ

မျက်နှာ တစ်ခုက အဆိုပါ စစ်သွေးကြွ၏ ဓာတ်ပုံကို အာရပ် ဘာသာစကားများဖြင့် ပုံညွှန်းစာ ရေးသားပြီး 

လွှင့်တင်ခဲ့သည်။ အာရှနွယ်ဖွား မျက်နှာပေါက်မျိုး ရှိနေသည့် စစ်သွေးကြွ၏ ဘယ်ဘက်လက်မောင်းတွင် IS 

အဖွဲ့၏ အမှတ်တံဆိပ် ဆေးမင်ကြောင် ရေးထိုးထားသည်ကို အီရတ် ကာကွယ်ရေး တပ်ဖွဲ့ဝင် တစ်ဦးက ပြ

သနေပုံ ဖြစ်သည်။ ထို့အပြင် အဆိုပါ စစ်သွေးကြွ မြေပေါ်တွင် လှဲလျောင်းနေသည့် အခြားဓာတ်ပုံ တစ်ပုံကို

လည်း ယင်း Facebook စာမျက်နှာတွင် လွှင့်တင်ထားသည်။

                 South China Morning Post သတင်းစာက အီရတ်ရှိ တရုတ်သံရုံးသည် အဆိုပါ ဓာတ်ပုံများနှင့် 

ပတ်သက်ပြီး မှတ်ချက်ပေးရန် ငြင်းဆိုထားကြောင်း ဖော်ပြခဲ့သည်။ ထို့အပြင် အီရတ်နှင့် တရုတ် နိုင်ငံခြားရေး 

ဝန်ကြီးဌာနများကလည်း ယခုဓာတ်ပုံပါ စစ်သွေးကြွသည် တရုတ်နိုင်ငံသား ဟုတ်မဟုတ် တိတိကျကျ အတည်

ပြုချက် မပေးဘဲ နှုတ်ဆိတ်နေသည်။

            Like လုပ်ထားသူ (၉၄၀၀၀)ရှိသည့် အဆိုပါ Facebook စာမျက်နှာသည် အီရတ်ကာကွယ်ရေး ဝန်ကြီး

ဌာန၏ တရားဝင် Facebook စာမျက်နှာ ဟုတ်မဟုတ် အမြင်ကွဲလွဲမှုများ ရှိနေသေးသည်။ ယခုလ အစောပိုင်းက 

တရုတ်နိုင်ငံ အနောက်ပိုင်း၊ ဝေးလံသီခေါင်ရာ အရပ်ဒေသများမှ အစ္စလာမ် ဘာသာဝင် အစွန်းရောက်ဝါဒီအချို့

သည် အရှေ့အလယ်ပိုင်းသို့ သွားရောက်ပြီး အကြမ်းဖက် တပ်ဖွဲ့များနှင့် ပူးပေါင်းကြသလို အီရတ်နှင့် ဆီးရီးယား

တို့ဘက်သို့ ရောက်ရှိသွားသည့် အခြေအနေမျိုး ရှိနေကြောင်း အရှေ့အလယ်ပိုင်း ဒေသဆိုင်ရာ တရုတ် ကိုယ်စား

လှယ်အဖွဲ့မှ ဝူဆီကီက ပြောကြားခဲ့ဖူးသည်။

                “အစွန်းရောက် တပ်ဖွဲ့ဝင်တွေက အစ္စလာမ်မစ် နိုင်ငံတွေအပြင် ဥရောပ၊ မြောက်အမေရိကနဲ့ တရုတ်

နိုင်ငံတို့ကပါ ရောက်ရှိလာသူတွေပါ။ အစွန်းရောက် အတွေးအမြင်တွေကို ဖက်တွယ်ထားတဲ့အတွက် သူတို့တွေ 

ကိုယ့်နိုင်ငံ ပြန်ရောက်လာတဲ့အခါ အဲဒီနိုင်ငံရဲ့ လုံခြုံရေး ကဏ္ဍအတွက် အကြီးအကျယ် ခြိမ်းခြောက်မှုတွေ ဖြစ်လာ

နိုင်ပါတယ်”ဟု ထိုစဉ်က ဝူက မှတ်ချက်ပြုခဲ့သည်။

_Ref: 7day

အပြည့်စုံဖတ်ရန်

ရခိုင်ပြည်နယ် ကျောက်ဖြူစီးပွားရေးဇုန်အတွင်း ရွှံ့မီးတောင်ဟောင်းတစ်လုံး ပေါက်ကွဲခဲ့သဖြင့် လယ်မြေဧကတစ်ရာနီးပါး ပျက်စီး

          ကျောက်ဖြူစီးပွားရေးဇုန်မြေနေရာအတွင်း ရွှံမီးတောင်ဟောင်းတစ်လုံးပေါက်ကွဲမှု သြဂုတ် ၃၁ ရက်က

 ဖြစ်ပွားခဲ့ကြောင်းနှင့် အဆိုပါမီးတောင်ပေါက်ကွဲမှုမှချော်ရည်များ စီးဆင်းခဲ့မှုကြောင့် စပါးစိုက်ခင်းများ ဧက ၁၀၀ 

နီးပါးခန့် ပျက်စီးခဲ့ရကြောင်း သိရသည်။

             ရွှံမီးတောင်ဟောင်းပေါက်ကွဲသည့်နေရာမှာ ကျောက်ဖြူမြို့မှ ၁၃ မိုင်အကွာ ရှောက်ချောင်းကျေးရွာ၏ 

အရှေ့တောင်ဘက် ၂ ဖာ လုံခန့်အကွာ စည်မော်ကျေးရွာ၏ အနောက်ဘက် ကြတ္တိန်ကျေးရွာ၏ မြောက်ဘက်တွင်

 ဖြစ်ပေါ်ခဲ့ခြင်းဖြစ်ကြောင်းနှင့် ယခင်မီးတောင်ဟောင်းနေရာဖြစ်ကြောင်း သိရသည်။

          "မီးတောင်က သြဂုတ် ၃၁ ရက် ညနေ ၅နာရီခွဲအချိန်မှာ စတင်ပေါက်ကွဲတာဖြစ်တယ်။ ညနေ ၇ နာရီခွဲမှာ 

ပေါက်ကွဲတာရပ်သွားတယ်။ သစ်ချောင်းရွာရဲ့အရှေ့တောင်ဘက် ၂ ဖာလုံ၊ ကျောက်ချောင်းကနေ ၂ မိုင် ခန့်အကွာ

 ကျောက်ဖြူစီးပွားရေးဇုန်လုပ်မယ့်နေရာမှာ ကျရောက်ပါတယ်။ မီးညွန့်တွေထွက်တာမဟုတ်ဘဲ ရွှံ့တွေက အမြင့်ပေ

 ၈၀ အထိ ပေါက်ကွဲတယ်။ အနီးအနားမှာ လူသူ၊ ကျွဲနွားတွေမရှိခဲ့တဲ့အတွက် အသေအပျောက်မရှိခဲ့ဘူး။ အခုရွှံချော်

ရည်တွေ ရွာဘက်ရောက်မှာ စိုးရိမ်နေရတယ်" ဟု ရှောက်ချောင်းရွာသားတစ်ဦးက ပြောကြားသည်။

          အဆိုပါမီးတောင်မှာ လွန်ခဲ့သောနှစ်ပေါင်းလေးဆယ်ခန့်က တစ်ကြိမ်ပေါက်ကွဲမှု ဖြစ်ပွားခဲ့ပြီး နောက်ပိုင်းပြန်

လည်ပေါက်ကွဲခြင်းဖြစ်ကြောင်းလည်း သိရသည်။ ကျောက်ဖြူမြို့နယ်အတွင်း မီးတောင်သေများစွာရှိနေပြီး ပေါက်ကွဲ

မှုများ မကြာခဏဆိုသလို တွေ့ရှိရကြောင်းနှင့် မီးတောင်မှချော်ရည်များ ရွာထဲသို့ရောက်ရှိလာမည်ကို ဒေသခံများက 

စိုးရိမ်နေရကြောင်း သိရသည်။

              မီးတောင်ပေါက်ကွဲသောနေရာနှင့် အနီးဆုံးတွင်ရှိနေသော စည်မော်ကျေးရွာမှ ဦးကျားသိန်းအောင်က "အခု

ဆိုရင် မီးတောင်ကကျလာတဲ့ ချော်ရည်တွေကြောင့် လယ်ဧက ၁၀၀ လောက် ပျက်စီးသွားတယ်။ အဲဒီလယ်တွေဟာ 

ကျေးရွာသုံးရွာကလုပ်ကိုင်ထားတဲ့ လယ်တွေဖြစ်တယ်။ မီးတောင်ပေါက်လာမယ်လို့လည်း ဘယ်သူမှထင်မထားဘူး။

 ကံကောင်းတာက လူတွေ၊ အိမ်တွေ တိရစ္ဆာန်တွေမသေတာပါဘဲ" ဟုလည်း ပြောကြားသည်။

eleven.

အပြည့်စုံဖတ်ရန်

အမြဲတမ်းနေထိုင်ခွင့် PR စနစ် မြန်မာကျင့်သုံးတော့မည်

VOA (မြန်မာ)

                PR ခေါ် နိုင်ငံခြားသားတွေကို မြန်မာပြည်မှာ အမြဲတမ်းနေထိုင်ခွင့်စနစ်ကို လာမယ့် အောက်တိုဘာလကုန်

လောက်မှ စတင်ပြီး ကျင့်သုံးဖို့ ရှိနေကြောင်း လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန ၀န်ကြီးက ပြောဆိုလိုက်

ပြီး ဒီစနစ်ကို ကျင့်သုံးမယ်ဆိုရင် မြန်မာပြည်ဟာ စင်္ကာပူနိုင်ငံလို တိုးတက်လာနိုင်မယ်လို့ စီးပွားရေးပညာရှင်တဦးက 

သုံးသပ်ပါတယ်။ အပြည့်အစုံကို ဗွီအိုအေသတင်းထောက် ကိုမိုးဇော်က သတင်းပေးပို့ထားပါတယ်။

              တဘက်နိုင်ငံသားခံယူမှုကို စွန့်လွှတ်စရာမလိုဘဲ မြန်မာပြည်မှာ အချိန်အတိုင်းအတာတခုထိ နေထိုင်ခွင့်နဲ့ အ

လုပ်လုပ်ကိုင်ခွင့် ရရှိစေမယ့် PR ခေါ် အမြဲတမ်းနေထိုင်ခွင့်စနစ်ကို မြန်မာအာဏာပိုင်တွေက ၂၀၁၂ ခုနှစ်တည်းက စတင် 

ဆွေးနွေးဆောင်ရွက်ခဲ့ရာက လာမယ့် အောက်တိုဘာလကုန်လောက်မှာ စတင် ကျင့်သုံးတော့မှာ ဖြစ်ပါတယ်။

           ဒီလို ကျင့်သုံးနိုင်တော့မယ့် အခြေအနေကို လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန ပြည်ထောင်စုဝန်ကြီး

 ဦးခင်ရီ က အခုလို ပြောပါတယ်။

         “အောက်တိုဘာလမှာ အကောင်အထည်ဖော်ဖို့ရှိပါတယ်။ နိုင်ငံတော်အကြီးအကဲ ကလည်း ကျနော့်ကို အောက်တိုဘာ

လမှာ အကောင်အထည်ဖော်ပါလို့ ပြောပါ တယ်။ အဲတော့ ကျနော်လည်း ကတိပေးပြီးပါပြီ။ အောက်တိုဘာလ နောက်ဆုံးရက်

 လောက်မှာ ဖြစ်အောင်လို့ ကျနော် လုပ်ပါမယ် PR စနစ်ကို။ ပြီးပါပြီခင်ဗျ နည်းဥပဒေပါ ကျနော်တို့ နိုင်ငံတော်အစိုးရကလည်း

 ခွင့်ပြုပြီးပါပြီ။ နောက်ပြီးတော့ လွှတ်တော်ကလည်း ခွင့်ပြုပြီးပါပြီ။ ဆိုတော့ အောက်တိုဘာမှာ အပြီး အကောင်အထည် ဖော်

ပေးပါလို့လည်း အကြီးအကဲက သတ်မှတ်ပြီးသား။ ကျနော်ကတော့ အောက်တိုဘာလ နောက်ဆုံးပတ်လောက် အကောင်အ

ထည်ဖော်မယ်လို့ ကျနော် ဒီမှာ ကတိက၀တ် ပြုပါတယ်။ Permanent Resident System ကို ပြောတာနော်။ ဟို PR မဟုတ်ဘူး။”

ဒါကတော့ အွန်လိုင်းကနေ ဗီဇာလျှောက်ထားတာကို စတင်ခွင့်ပြုကြောင်း ထုတ်ပြန်တဲ့ တနင်္လာနေ့က သတင်းစာရှင်းလင်းပွဲမှာ 

ပြောဆိုတာဖြစ်ပါတယ်။ အမြဲတမ်းနေထိုင်ခွင့်ကို  အသိပညာရှင်၊ အတတ်ပညာရှင်တွေ၊ ရင်းနှီးမြှုပ်နှံသူတွေ၊ တခြားနိုင်ငံသား

 ခံယူထားတဲ့ မြန်မာနိုင်ငံသားဟောင်းတွေနဲ့ မြန်မာနိုင်ငံသားတွေ နဲ့ နိုင်ငံခြားသားသွေးနှောသူတွေ ဆိုပြီး ပုံစံ ၄ မျိုး ခွဲခြား 

လက်ခံသွားဖို့နဲ့ အမြဲတမ်းနေထိုင်ခွင့် ပေးရာမှာတော့ ကနဦးကာလ နေထိုင်ခွင့်ကို  ၅ နှစ် ခွင့်ပြုဖို့ သတ်မှတ်ထားပါတယ်။ 

စီးပွားရေးပညာရှင် ဦးလှမောင်ကတော့ စင်္ကာပူနိုင်ငံမှာ ဒီစနစ်ကို ကျင့်သုံးပြီး တိုးတက်မှုရနေတာကြောင့်  မြန်မာပြည်မှာ

 အလားတူ တိုးတက်လာနိုင်ကြောင်း သုံးသပ်ပြောဆိုပါတယ်။

              “စင်္ကာပူနိုင်ငံဟာ ဘာသယံဇာတ ဘာပစ္စည်းမှ မရှိပါဘူး။ နိုင်ငံလေး သေးသေးလေးပါ။ အင်မတန် ချမ်းသာကြွယ်

ဝပါတယ်။ အဲ့ဒီလိုချမ်းသာသွားတာဟာ နိုင်ငံခြားကို သူတို့ စပါယ်ရှယ် Economic Zone တွေနဲ့ Industrial Zone တွေ ကျကျ

နနလုပ်ပြီးတော့ ဖိတ်ခေါ်ပြီးတော့ နိုင်ငံခြား ရင်းနှီးမြှုပ်နှံမှုတွေ လာလုပ်စေပါတယ်။ ဘယ်နိုင်ငံခြားသားဖြစ်ဖြစ် စင်္ကာပူမှာသွား

ပြီး အလုပ်လုပ်ရင် အလုပ်အကိုင်ရတာနဲ့ PR ရပါတယ်။ Permanent Resident လခကောင်းကောင်းနဲ့ အလုပ် အတည်တကျ 

ရသွားရင် မြေရော၊ အိမ်ရော ၀ယ်ခွင့်ရှိပါတယ်။ အဲ့ဒါကြောင့် စင်္ကာပူကို နိုင်ငံခြားသားတွေ လာပြီးတော့ ၀ိုင်းပြီး အလုပ်လုပ်

လိုက်ကြတာဟာ စင်္ကာပူကြီး ဒီလောက် ချမ်းသာသွားပါတယ်။ အခု PR စနစ် ပေးတော့မယ်ဆိုပြီးတော့ ပြဌာန်းလိုက်ရင်တော့

 ဥပဒေမှာ တိုင်းပြည်အတွက် အင်မတန်မှပဲ အကျိုးရှိပါတယ်လို့ပဲ ပြောချင်ပါတယ်။”

               PR ခေါ် အမြဲတမ်းနေထိုင်ခွင့်စနစ် ကျင့်သုံးမယ်ဆိုရင် ရန်ကုန်မြို့က လူနေတိုက်ခန်းဈေးတွေလည်း ကျဆင်းလာ

နိုင်ကြောင်း ပြောပါတယ်။ “အခု သူတို့ PR မရတဲ့အတွက် ရပ်ကွက်တွေထဲက တိုက်ခန်းတွေမှာ လျှောက်ပြီးတော့ ငှားနေရပါ

တယ်။ ဟိုတယ်တွေကလည်း မလောက်လို့ သူတို့နဲ့ကိုက်ညီတဲ့ Resident တွေကလည်း မလောက်တော့ ရပ်ကွက်က တိုက်

ခန်းတွေ ဈေးတွေ ခုန်ခုန်တက်သွားပါတယ်။ အဲတော့ အကယ်၍များ PR စနစ်ပေးပြီးတော့ သူတို့ ကျကျနန နိုင်ငံခြားရပ်ကွက်

လေးတွေနဲ့ စနစ်တကျလေး ဖန်တီးပေးမယ်ဆိုရင် ဒီနေ့ တိုက်ခန်းဈေးနှုန်းတွေလည်း ပြန်ကျလာနိုင်တယ်။”

               မြန်မာပြည်ရဲ့ ရိုးရာယဉ်ကျေးမှုအရ ထိန်းသိမ်းလုပ်ဆောင်နိုင်ရင် PR ခေါ် အမြဲတမ်း နေထိုင်ခွင့်စနစ် ကျင့်သုံးတာ

ကြောင့် ဆိုးကျိုးသက်ရောက်မှုတွေ မရှိနိုင်ကြောင်းလည်း ပြောပါတယ်။ PR ခေါ် အမြဲတမ်း နေထိုင်ခွင့်စနစ် နဲ့ပတ်သက်တဲ့ 

လုပ်ငန်းညှိနှိုင်း အစည်းအဝေးတခုမှာတော့ နိုင်ငံတော် ဒုတိယသမ္မတ ဦးဥာဏ်ထွန်းက PR စနစ်ကျင့်သုံးတာကြောင့် နည်း

ပညာ၊ အရင်းအနှီး၊ လူ့စွမ်းအားအရင်းအမြစ်၊ အလုပ်အကိုင် အခွင့်အလမ်းတွေ မိမိတို့ နိုင်ငံအတွင်းသို့ စီးဝင်လာနိုင်ပြီး နိုင်ငံ

တော် ဖွံ့ဖြိုးတိုးတက်ရေးအတွက် အထောက်အကူကောင်းတွေ ရရှိနိုင်မှာဖြစ်သလို နိုင်ငံတော်ကပေးအပ်သည့် အခွင့်အလမ်း

ကောင်းတွေ ဆုပ်ကိုင်ပြီး ကြိုတင်စီမံမှုတွေနဲ့ နယ်ပယ် အသီးသီးကို နည်းမျိုးစုံဖြင့် စိမ့်ဝင်ထိုးဖောက် ဝင်ရောက်တာတွေလည်း 

ရှိလာနိုင်ကြောင်း၊ နိုင်ငံသားတွေအတွင်း ယှဉ်ပြိုင်မှုတွေ များပြားလာနိုင်ကြောင်းနဲ့ ရာဇဝတ်မှုတွေ များပြားလာနိုင်ကြောင်း 

ထောက်ပြ ပြောဆိုခဲ့ပါတယ်။ 

               မြန်မာနိုင်ငံဟာ တည်ဆဲဥပဒေအရ နှစ်နိုင်ငံသားခံယူခွင့် ပြုမထားတာကြောင့် ပြည်ပမှ လာရောက်မယ့် ပညာရှင်တွေ၊

 ရင်းနှီးမြှုပ်နှံသူတွေနဲ့ တခြားနိုင်ငံသားခံယူထားတဲ့ မြန်မာနိုင်ငံသားဟောင်းတွေကို တွေ့ကြုံရတဲ့ အခက်အခဲတွေ ဖြေရှင်းဖို့ PR ခေါ် 

အမြဲတမ်းနေထိုင်ခွင့်စနစ်ကို အကောင်အထည်ဖော်တာဖြစ်ကြောင်း အစိုးရက သတင်းထုတ်ပြန်ပါတယ်။

အပြည့်စုံဖတ်ရန်

ကျောက်ဖြူမှ ပြည်မြို့သို့ တရားမ၀င်ခေါ်ဆောင်လာသည့် ဘင်္ဂါလီ ၂၉ ဦးကို ဖမ်းမိ

RNA (စစ်တွေ၊ သြဂုတ်၂၉)

             ရခိုင်ပြည်နယ်၊ ကျောက်ဖြူမြို၊ ကျောက်တစ်လုံးကယ်ဆယ်ရေး စခန်းမှ ပြည်မြို့သို့ ခေါ်ဆောင်

လာသည့် ဘင်္ဂါလီ ၊ အ စ္စလာမ် ဘာသာဝင်၂၉ဦးကို တောင်ကုတ်မြို့နယ်ရှိ တောင်ပုံကြီး စစ်ဆေးရေးဂိတ်တွင် 

ဖမ်းဆီးရမိခဲ့ကြောင်း ရခိုင်ပြည်နယ်အစိုးရအဖွဲ့မှသိရသည်။

             သြဂုတ်လ ၂၈ရက် မွန်းလွဲ၁နာရီတွင် ကျောက်ဖြူမြို့မှ ထွက်ခွာလာသည့် တီအီးအမျိုးအစား ယာဉ်

အမှတ် ၄က/…….. ယာဉ်မောင်း ဦးအောင်မောင်း မောင်းနှင်လာသည့် ယာဉ်ပေါ်တွင် ကျောက်ဖြူမြို့ ကျောက်

တစ်လုံး ကယ်ဆယ်ရေး စခန်းမှတင်ဆောင်လာသည့် ဘင်္ဂါလီ၊ အစ္စလာမ် လူမျိုး ကျား၁၇ဦး၊ မ၁၂ဦး၊ စုစုပေါင်း

၂၉ဦးအား ဖမ်းဆီးရမိခဲ့သည်။

            ယာဉ်မောင်းအားစစ်ဆေးရာ မာန်သစ်ကားဂိတ်တွင် ကုန်ပစ္စည်းများရှာပေးသူ ညီပု ဆိုသူက ပြည်မြို့

သို့ ပြန်သွားလျှင် ဘင်္ဂါလီများအား တင်ဆောင်သွားရန် ပြောဆိုပြီး ကျောက်တစ်လုံး ကယ်ဆယ်ရေး စခန်းအနီး

မှ ဘင်္ဂါလီများကို တင်ဆောင်ပေးခဲ့ကြောင်း ပြောဆိုသည်။

              ဖမ်းဆီးရမိသည့် တောင်ကုတ်မြို့နယ် တောင်ပုံကြီးစစ်ဆေးရေးဂိတ်သို့ သက်ဆိုင်ရာ တာဝန်ရှိသူများ

သွားရောက်ကာ ဥပဒေနှင့်အညီ အရေးယူဆောင်ရွက်နိုင်ရန် ဆောင်ရွက်လျှက်ရှိသည်။ ယခုနှစ် ဇွန်လ၂၇ရက် 

ကလည်း ဘင်္ဂါလီ၉ဦးကို တစ်ဦးလျှင် ငွေကျပ်သုံးသိန်းဖြင့် ရန်ကုန်သို့ခေါ်ဆောင်လာသည့် သူ၂ဦးကို ရန်ကုန်သို့

ပို့ဆောင်ရန်သယ်လာစဉ် အမ်းမြို့ဝင် စစ်ဆေးရေးဂိတ်တွင် ဖမ်းဆီးရမိခဲ့သည့် ဖြစ်စဉ်တစ်ခုဖြစ်ပွားခဲ့သေးသည်။

ရခိုင်ပြည်နယ်မှ ဘင်္ဂါလီများကို အခကြေးငွေယူကာ ရန်ကုန်၊ မန္တလေး၊ နေပြည်တော် အပါအ၀င် အခြားမြို့များသို့ 

ပို့ဆောင်ရန် သယ်ယူလာသူများကို ဖမ်းဆီးရမိမှုများ ယခင်ကလည်း ဖြစ်ပွားခဲ့သည်။

Rakhine News Agency

အပြည့်စုံဖတ်ရန်